| (E-KYC) प्रक्रिया शेवटची तारीख | EKYC प्रक्रिया 18 नोव्हेंबर 2028 पर्यंत पूर्ण करणे बंधनकारक आहे. |
मुख्यमंत्री माझी लाडकी बहीण योजनेची eKYC कशी करावी
- सर्वात आधी शासनाने सांगितलेल्या https://ladakibahin.maharashtra.gov.in/ekyc या अधिकृत वेबसाईटवर जा.
- वेबसाईटच्या मुख्य पानावर (Homepage) दिसणाऱ्या ‘eKYC Banner’ वर क्लिक करा.
- उघडलेल्या eKYC फॉर्ममध्ये लाभार्थी महिलेने स्वतःचा आधार क्रमांक आणि पडताळणी कोड (Captcha) टाकावा.
- त्यानंतर आधार प्रमाणीकरणासाठी संमती द्या आणि ‘Send OTP’ या बटनावर क्लिक करा.
- तुमच्या आधार कार्डशी लिंक असलेल्या मोबाईल नंबरवर एक OTP येईल.
- तो OTP स्क्रीनवर टाकून ‘Submit’ बटनावर क्लिक करा.
(या टप्प्यावर तुमची eKYC आधीच पूर्ण झाली आहे की नाही, हे तपासले जाईल. जर ती पूर्ण नसेल आणि तुमचे नाव पात्र यादीत असेल, तर प्रक्रिया पुढे जाईल.)
- यानंतर, त्याच पेजवर लाभार्थी महिलेच्या पतीचा किंवा वडिलांचा आधार क्रमांक आणि पडताळणी कोड (Captcha) टाकावा.
- त्यांच्या आधार प्रमाणीकरणासाठी संमती देऊन पुन्हा ‘Send OTP’ बटनावर क्लिक करा.
- आता तुमच्या पतीच्या किंवा वडिलांच्या आधार-लिंक्ड मोबाईल नंबरवर एक OTP येईल.
- तो OTP स्क्रीनवर टाकून ‘Submit’ बटनावर क्लिक करा.
यानंतर तुमच्यासमोर एक घोषणापत्र येईल. यामध्ये तुम्हाला खालील गोष्टी प्रमाणित कराव्या लागतील:
- जात प्रवर्ग निवडा.
- तुमच्या कुटुंबातील कोणीही सदस्य सरकारी नोकरीत किंवा निवृत्तीवेतनधारक नाही, यासाठी ‘होय’ निवडा.
- तुमच्या कुटुंबातील फक्त १ विवाहित आणि १ अविवाहित महिला लाभ घेत आहे, यासाठी ‘होय’ निवडा.
- शेवटी चेक बॉक्सवर क्लिक करून ‘Submit’ बटनावर क्लिक करा.
सर्व प्रक्रिया यशस्वी झाल्यावर, स्क्रीनवर “Success तुमची ई-केवायसी पडताळणी यशस्वीरित्या पूर्ण झाली आहे” असा हिरव्या रंगात संदेश दिसेल. याचा अर्थ तुमची eKYC प्रक्रिया शासनाच्या नियमाप्रमाणे यशस्वीरित्या पूर्ण झाली आहे.
